«Milan»ning yangi futbolchisi Gonsalu Ramush uning transferi va maoshi uchun katta mablag‘ sarflanganini klub tomonidan bildirilgan ishonch sifatida qabul qilishini aytdi. Shu sababli u bu mavzudagi savollarni unchalik xush ko‘rmasligini ta’kidladi.

«Menga qancha pul to‘langani haqida emas, klubning menga bo‘lgan ishonchi haqida o‘ylayman. Menga yuqori maosh taklif qilinganining o‘zi yaxshi belgi — bu menga ishonishlarini anglatadi.

Endi men o‘zimni isbotlashim kerak. Bu esa men uchun qo‘shimcha motivasiya bo‘lib xizmat qiladi», — dedi Ramush.

Eslatib o‘tamiz, portugaliyalik futbolchining avvalgi klubi Fransiyaning «PSJ» jamoasi edi. Parijliklar Chempionlar ligasining amaldagi g‘olibi hisoblanadi.