«PSJ» joriy mavsum boshida Fransiya chempionatida omadsiz natijalar qayd etmoqda.

Luis Enrike jamoasi Liga 1dagi dastlabki ikki uchrashuvini 2:2 hisobida durang bilan yakunladi. Har ikki bahsda ham parijliklar mag‘lubiyatdan faqat o‘yinning so‘nggi daqiqalarida qutulib qoldi.

«Monako»ga qarshi uchrashuv ham «PSJ» uchun og‘ir kechdi. Parijliklar birinchi bo‘lib hisobni ochgan bo‘lsa-da, keyinchalik o‘z darvozasidan ikki gol o‘tkazib, 1:2 hisobida mag‘lub bo‘ldi.

Opta ma’lumotiga ko‘ra, «PSJ» 2005 yil boshidan beri ilk bor Liga 1da ketma-ket to‘rtta uchrashuvda kamida ikkitadan gol o‘tkazib yubordi.

Ushbu noxush seriya o‘tgan mavsumning so‘nggi turida boshlangan. O‘shanda «PSJ» «Parij»ga 1:2 hisobida mag‘lub bo‘lgan edi.

O‘tgan mavsumda «PSJ» «Lans»ni 6 ochkoga ortda qoldirib, Fransiya chempioni bo‘lgan. «Monako» esa mavsumni 7-o‘rinda yakunlagan edi.