Argentinalik mutaxassis Marselo Galyardo Ekvador terma jamoasining yangi bosh murabbiyi etib tayinlanadi. Bu haqda insayder Fabrisio Romano ijtimoiy tarmoqlarda xabar berdi.
Jurnalist ma’lumotiga ko‘ra, mutaxassis Ekvador futbol federasiyasi bilan 2030 yilgi jahon chempionatiga qadar mo‘ljallangan uzoq muddatli shartnoma imzolagan. Uning oldiga milliy terma jamoani navbatdagi yirik musobaqalarga olib chiqish vazifasi qo‘yilgan.
Galyardo Ekvador terma jamoasi bosh murabbiyi lavozimida 2024 yildan buyon ishlab kelgan Sebastyan Bekkasesening o‘rnini egallaydi.
Ekvador terma jamoasi 2026 yilgi jahon chempionatida 1/16 final bosqichigacha yetib bordi va ushbu bosqichda Meksikaga 0:2 hisobida imkoniyatni boy berdi.
