Аргентиналик мутахассис Марсело Гальярдо Эквадор терма жамоасининг янги бош мураббийи этиб тайинланади. Бу ҳақда инсайдер Фабрицио Романо ижтимоий тармоқларда хабар берди.

Журналист маълумотига кўра, мутахассис Эквадор футбол федерацияси билан 2030 йилги жаҳон чемпионатига қадар мўлжалланган узоқ муддатли шартнома имзолаган. Унинг олдига миллий терма жамоани навбатдаги йирик мусобақаларга олиб чиқиш вазифаси қўйилган.

Гальярдо Эквадор терма жамоаси бош мураббийи лавозимида 2024 йилдан буён ишлаб келган Себастьян Беккасесенинг ўрнини эгаллайди.

Эквадор терма жамоаси 2026 йилги жаҳон чемпионатида 1/16 финал босқичигача етиб борди ва ушбу босқичда Мексикага 0:2 ҳисобида имкониятни бой берди.