«Bavariya» Bundesliganing 2-turida safarda «Shalke 04» bilan 0:0 hisobida durang o‘ynadi. Uchrashuvdan keyin myunxenliklar bosh murabbiyi Vensan Kompani Xarri Keyn va Maykl Olise nega asosiy tarkibga kiritilmaganini tushuntirdi.

«Bu shunchaki oddiy qaror edi. Ular ta’tildan juda-juda kech qaytishdi. «Osnabryuk»ka qarshi o‘yin ham ulardan ko‘p kuch oldi. Biz ularning o‘sha kubok bahsida maydonga tushishini istagandik.

Shundan keyin bugungi o‘yin uchun qaror qabul qilishimga to‘g‘ri keldi. Ular hali to‘liq yuklamani ko‘tara oladigan optimal holatga kelmagan», — deya Kompanining so‘zlarini Bayern & Germany keltirmoqda.

Qayd etish joiz, Keyn va Olise uchrashuv davomida zaxiradan maydonga tushdi.