«Бавария» Бундеслиганинг 2-турида сафарда «Шальке 04» билан 0:0 ҳисобида дуранг ўйнади. Учрашувдан кейин мюнхенликлар бош мураббийи Венсан Компани Харри Кейн ва Майкл Олисе нега асосий таркибга киритилмаганини тушунтирди.
«Бу шунчаки оддий қарор эди. Улар таътилдан жуда-жуда кеч қайтишди. «Оснабрюк»ка қарши ўйин ҳам улардан кўп куч олди. Биз уларнинг ўша кубок баҳсида майдонга тушишини истагандик.
Шундан кейин бугунги ўйин учун қарор қабул қилишимга тўғри келди. Улар ҳали тўлиқ юкламани кўтара оладиган оптимал ҳолатга келмаган», — дея Компанининг сўзларини Bayern & Germany келтирмоқда.
Қайд этиш жоиз, Кейн ва Олисе учрашув давомида захирадан майдонга тушди.
