«Yuventus»ning sobiq futbolchisi Duglas Kosta Turin klubida o‘ynagan paytida Krishtianu Ronaldu bilan bir jamoada harakat qilganini esladi va portugaliyalik superyulduzga yuqori baho berdi.

Uning so‘zlariga ko‘ra, Ronalduning asosiy tarkibda bo‘lishi jamoaga go‘yo o‘yin boshlanmasidanoq bir gollik ustunlik bergandek ta’sir qilar edi.

«Ronaldu bilan bir jamoada o‘ynash — go‘yo bir gollik ustunlikka ega bo‘lishdek edi. Men uchun u — fenomen.

Men Messining o‘yinini jonli ko‘rmaganman, ammo uning qanday o‘ynashini bilaman. Krishtianu bilan birga to‘p tepish esa xuddi tushdek edi.

Uning fikrlashi boshqalarnikidan farq qiladi. Aynan shuning uchun ham u shunchalik ko‘p narsaga erishdi va juda ko‘p sovrinlarni qo‘lga kiritdi», — dedi Duglas Kosta.

Duglas Kosta 2017 yildan 2022 yilgacha «Yuventus» sharafini himoya qilgan.