«Ювентус»нинг собиқ футболчиси Дуглас Коста Турин клубида ўйнаган пайтида Криштиану Роналду билан бир жамоада ҳаракат қилганини эслади ва португалиялик суперюлдузга юқори баҳо берди.
Унинг сўзларига кўра, Роналдунинг асосий таркибда бўлиши жамоага гўё ўйин бошланмасиданоқ бир голлик устунлик бергандек таъсир қилар эди.
«Роналду билан бир жамоада ўйнаш — гўё бир голлик устунликка эга бўлишдек эди. Мен учун у — феномен.
Мен Мессининг ўйинини жонли кўрмаганман, аммо унинг қандай ўйнашини биламан. Криштиану билан бирга тўп тепиш эса худди тушдек эди.
Унинг фикрлаши бошқаларникидан фарқ қилади. Айнан шунинг учун ҳам у шунчалик кўп нарсага эришди ва жуда кўп совринларни қўлга киритди», — деди Дуглас Коста.
Дуглас Коста 2017 йилдан 2022 йилгача «Ювентус» шарафини ҳимоя қилган.
