"Liverpul"da Ronald Arauxoning jamoadagi dastlabki o‘yinlaridan katta qoniqish hosil bo‘lgani xabar qilinmoqda.

Sport xabariga ko‘ra, urugvaylik himoyachi hozircha yangi jamoasi safida bor-yo‘g‘i uchta rasmiy uchrashuvda qatnashgan bo‘lsa-da, klub rahbariyati uni jalb qilish to‘g‘ri qaror bo‘lgan, degan fikrda. Murabbiylar shtabi ham, direktorlar ham Arauxoning harakatlaridan juda mamnun.

27 yoshli futbolchi APLning dastlabki ikki turida zaxiradan maydonga tushgan bo‘lsa, "Ipsvich"ga qarshi 2:0 hisobida yakunlangan uchrashuvda ilk bor asosiy tarkibda o‘ynadi va 90 daqiqani to‘liq o‘tkazdi. U mazkur bahsda 10 ta yakkakurashdan 9 tasida, havodagi 6 ta kurashning barchasida g‘olib chiqib, 7 marta to‘pni xavfli hududdan uzoqlashtirdi.

Arauxo "Barselona"dan "Liverpul"ga 2026/27 yilgi mavsum oxiriga qadar ijara asosida o‘tgan. Kelishuvda futbolchini keyinchalik sotib olish imkoniyati ham ko‘zda tutilgan.