Londonning «Arsenal» bosh murabbiyi Mikel Arteta jamoa hujumchisi Kay Xavers haqida fikr bildirdi.
Angliya Premyer-ligasining uchinchi turida «kanonirlar» «Chelsi»ni 2:1 hisobida mag‘lub etdi. Gollardan birini Xavers urdi.
«U o‘zini baxtli va mamnun his qilayotgandek ko‘rinmoqda. Uning shaxsiy hayotida ko‘plab muhim va yaxshi voqealar sodir bo‘ldi. Hozir u yaxshi formada, har kuni mashg‘ulot o‘tkazmoqda va shaxsiy tartibiga amal qilmoqda. U nafaqat gol uradi, balki jamoa uchun ham juda yaxshi ishlaydi», — deya Artetaning so‘zlarini Football London keltirgan.
Yangi mavsumda 27 yoshli Xavers barcha musobaqalar doirasida to‘rtta uchrashuvda ishtirok etib, uchta gol urdi.
