APL klublari va «Dallas»ning sobiq darvozaboni Shaka Xislop «An-Nasr» hujumchisi Krishtianu Ronaldu futbolchilik faoliyatini yakunlaganidan keyin Gollivudda ham o‘zini sinab ko‘rishi mumkinligini aytdi.
«Menimcha, Krishtianu Ronaldu hali ham sayyoradagi eng mashhur insonlardan biri bo‘lib qolmoqda. Keyin nima bilan shug‘ullanishi esa faqat uning o‘ziga bog‘liq.
Haqiqat shuki, unda pul yetishmasligi muammosi yo‘q. Shuning uchun u keyin qanday yo‘lni tanlamasin, buni sevgani va chin dildan qiziqqani uchun qiladi.
U Gollivudga boradimi yoki yo‘qmi, buni ayta olmayman. Ammo u istagan ishini qilish huquqini qo‘lga kiritgan. Hatto Gollivudda Vinni Jonsga sherik bo‘lishga to‘g‘ri kelsa ham», — dedi Xislop.
