АПЛ клублари ва «Даллас»нинг собиқ дарвозабони Шака Хислоп «Ан-Наср» ҳужумчиси Криштиану Роналду футболчилик фаолиятини якунлаганидан кейин Голливудда ҳам ўзини синаб кўриши мумкинлигини айтди.

«Менимча, Криштиану Роналду ҳали ҳам сайёрадаги энг машҳур инсонлардан бири бўлиб қолмоқда. Кейин нима билан шуғулланиши эса фақат унинг ўзига боғлиқ.

Ҳақиқат шуки, унда пул етишмаслиги муаммоси йўқ. Шунинг учун у кейин қандай йўлни танламасин, буни севгани ва чин дилдан қизиққани учун қилади.

У Голливудга борадими ёки йўқми, буни айта олмайман. Аммо у истаган ишини қилиш ҳуқуқини қўлга киритган. Ҳатто Голливудда Винни Жонсга шерик бўлишга тўғри келса ҳам», — деди Хислоп.