"Liverpul" mustaqil global tadqiqot natijalariga ko‘ra, Yevropaning yetakchi jamoalari orasida madaniyatga eng katta ta’sir ko‘rsatayotgan futbol klubi deb topildi. Bu haqda klubning rasmiy sayti xabar berdi.

Harris & Toluna tomonidan 22 ta xalqaro bozorda o‘tkazilgan tadqiqotda ishtirokchilarning 31 foizi "Liverpul"ni madaniyatga kuchli ta’sir ko‘rsatadigan klub sifatida baholagan.

Mersisaydliklar bu ko‘rsatkich bo‘yicha ikkinchi o‘rinni egallagan Yevropa klubini sezilarli farq bilan ortda qoldirdi. Keyingi jamoa 24 foiz ovoz to‘plagan.

"Liverpul"ning global qamrovi raqamli ko‘rsatkichlarda ham aks etgan. So‘nggi bir yil ichida klubning ijtimoiy tarmoqlardagi videolari 14,7 milliard marta tomosha qilingan, rasmiy saytiga esa dunyo bo‘ylab 96,16 million marta tashrif buyurilgan.

Tadqiqot natijalari muxlislik madaniyati, raqamli kontent va xalqaro auditoriya bilan faol muloqot "Liverpul"ning futboldan tashqaridagi ta’sirini ham oshirayotganini ko‘rsatdi.