Dortmundning «Borussiya»si hujumchisi Seru Girassi Chempionlar ligasi umumiy bosqichi birinchi turida «Vilyarreal»ga qarshi o‘yinda (3:2) dubl qayd etdi.
Gvineyalik futbolchi uchrashuv yakunida uch marta gol urdi, ammo ulardan biri o‘z darvozasiga kiritilgan gol bo‘ldi. Shu tariqa, hujumchining «shmellar» safida Chempionlar ligasida urgan gollari soni 19 taga yetdi. U klubning eng yaxshi to‘purarlari ro‘yxatida 17 ta gol urgan Robert Levandovskidan o‘zib ketdi.
Rekord esa Marko Roysga tegishli — u Chempionlar ligasida «Borussiya» uchun 24 ta gol urgan.
Seru Girassi 2024 yil o‘rtasida «Shtutgart»dan «Borussiya»ga o‘tgan. «Vilyarreal»ga qarshi uchrashuv 30 yoshli futbolchi uchun «shmellar» safidagi 100-o‘yin bo‘ldi. Ushbu 100 ta uchrashuvda Girassi 64 ta gol urgan.
