Londonning «Arsenal» bosh murabbiyi Mikel Arteta jamoaning ayrim futbolchilari holati haqida fikr bildirdi.
«Ben Uaytning holati yaxshi. Kristian Moskera juda yaxshi tiklanmoqda. U yaqindagi o‘yinlarda maydonga tusha oladimi-yo‘qmi, ko‘ramiz. Timber masalasida ham kuzatamiz. Bizda yana bir mashg‘ulot bo‘ladi. Uning holati yaxshi», — dedi Arteta.
12 sentyabr kuni «Arsenal» Angliya Premyer-ligasining to‘rtinchi turida safarda «Sanderlend»ga qarshi bahs olib boradi. Uchrashuv Toshkent vaqti bilan 13 sentyabr soat 00:00 da boshlanadi.
Ayni paytda «kanonirlar» 9 ochko bilan turnir jadvalida ikkinchi o‘rinda bormoqda.
