«Real» bosh murabbiyi Joze Mourinyo dushanba kunigi matbuot anjumanida jamoani shakllantirish uchun qancha vaqt kerakligi haqida gapirdi.
— Siz o‘zingiz istagan «Real»ni ko‘rish uchun uch oy so‘rayotganingizni aytgan edingiz...
— Agar men uch oy so‘rasam, boshqalar o‘n yil so‘raydi... Balki men fikrimni noto‘g‘ri ifodalagandirman yoki to‘g‘ri yetkaza olmagandirman. Men aytmoqchi bo‘lganim shuki, uch oydan keyin biz bugungidan yaxshiroq bo‘lishimiz kerak. Uch oydan keyin ajoyib darajaga chiqishimizni aytish uchun qo‘limda qandaydir sehrli vosita yo‘q. Menda g‘ayrioddiy qobiliyatlar yo‘q. Men faqat taraqqiyotga erisha olaman — har bir mashg‘ulotda, har bir o‘yinda. O‘yindan keyin tahlil o‘tkazamiz. Jamoa murabbiy bilan qancha ko‘p ishlasa, kuchliroq bo‘lish imkoniyati shuncha yuqori bo‘ladi.
«Real» La Liganing beshta turidan so‘ng 12 ochko jamg‘argan.
