«Real»ning sobiq futbolchisi Migel Torres La Liganing 7-turida «Atletiko»dan 1:2 hisobidagi mag‘lubiyatdan so‘ng madridliklar o‘yinini tanqid qildi.

«Realda aniq tizim yo‘q. Mark Kukurelya butunlay boshqa futbolchidek, hatto yomon o‘yinchidek ko‘rinyapti. Ammo buning asosiy sababi — jamoada tizimning yo‘qligi. Maydonda futbolchilar o‘rtasida yo‘lga qo‘yilgan o‘zaro harakatlar deyarli ko‘rinmaydi», — dedi Torres Movistar efirida.

Kukurelya Ispaniya terma jamoasi bilan jahon chempionligini qo‘lga kiritganidan so‘ng «Chelsi»dan «Real»ga 55 million yevro evaziga o‘tgan edi.

28 yoshli himoyachi madridliklar safida o‘tkazgan 8 ta rasmiy uchrashuvida hali gol yoki golli uzatma qayd etmadi. Shuningdek, u himoyada ham ishonchli o‘yin ko‘rsata olmayapti.

«Atletiko»ga qarshi derbida Kukurelya Simeonening uzatma berishini to‘xtata olmadi va shu hujumdan keyin Devid ikkinchi golni urdi.

Torres «Real»ni «Barselona» bilan ham taqqosladi.

«Haftalar o‘tyapti, ammo «Barselona» kimni sotib olishidan yoki umuman hech kimni olmasligidan qat’i nazar, u yerda hamma narsa ishlayapti», — dedi sobiq futbolchi.

«Real» 15 ochko bilan turnir jadvalida 4-o‘rinni egallab turibdi.