«Arsenal»ning sobiq futbolchisi Tyerri Anridan mavsumning dastlabki oyidan keyin qaysi jamoani dunyoning eng kuchlisi deb hisoblashi so‘raldi.

«Bu haqda hoziroq gapirish kerakmi? Ayni paytdagi eng kuchli jamoa tez o‘zgarib ketishi mumkin. Shuning uchun bunday savollarga javob berishni unchalik yoqtirmayman.

O‘tgan mavsumdagi «PSJ»ni eslaylik. Mavsum boshida hech kim ular Chempionlar ligasini yutadi, deb aytmagan edi. Ammo keyin ular chempion bo‘ldi. Futbolda hamma narsa o‘zgarishi mumkin.

Shunga qaramay, tan olish kerak — «Barselona» hozir raqiblarga qo‘rquv solmoqda. Ular haqiqatan ham juda qo‘rqinchli ko‘rinyapti», — dedi Anri.

«Barselona» 2026/2027 yilgi mavsumni juda kuchli boshladi va dastlabki 8 ta o‘yinning barchasida g‘alaba qozondi.