Madridning «Real» klubi yetakchilaridan biri Jud Bellingem «Manchester Siti»ga o‘tishga qiziqmayapti.

Fichajes ma’lumotiga ko‘ra, angliyalik yarim himoyachi «Real»da qolishni va klub bilan shartnomasini uzaytirishni afzal ko‘rmoqda.

23 yoshli futbolchining Madrid klubi bilan amaldagi shartnomasi 2029 yil yozigacha mo‘ljallangan.

Transfermarkt portali Bellingemning bozor qiymatini 160 million yevroga baholamoqda.

Joriy mavsumda u La Ligada 7 ta uchrashuv o‘tkazib, 3 ta gol urdi va 2 ta golli uzatma amalga oshirdi.