«Real» bosh murabbiyi Joze Mourinyu o‘z nazarida qanday futbolchilarni haqiqiy superyulduz deb hisoblashini tushuntirdi.
«Men haqiqiy superyulduz deb biladigan futbolchilar hech qachon o‘z egosi sabab muammo keltirib chiqarmaydi. Aksincha, egosi jamoa uchun muammoga aylanadigan insonlarni men superyulduz deb hisoblamayman.
Men uchun superyulduz — har tomonlama shakllangan shaxs. Bunda uning egosi iste’dodiga mos darajada bo‘lishi kerak. Eng muhimi, u qachon to‘xtash kerakligini tushunishi lozim.
Agar inson chegarani bilmasa va doimo undan o‘tib ketishga harakat qilsa, men uchun u superyulduz bo‘lishdan to‘xtaydi», — dedi Mourinyu.
