Londonning «Arsenal» klubi hujumchisi Viktor Dyokeresh qishki transfer oynasida klubini o‘zgartirishi mumkin.

Bosh murabbiy Mikel Arteta ushbu mavsumda shvesiyalik futbolchiga unchalik ishonch bildirmayapti: forvard barcha musobaqalarda bor-jog‘i ikki marta asosiy tarkibda maydonga tushdi, Premyer-ligada esa hali bir marta ham boshlang‘ich tarkibda qayd etilmadi. Transfer News Live nashrining Turkiyadagi manbalariga tayanib xabar berishicha, «Galatasaray» 28 yoshli o‘yinchini yanvarda o‘z safiga qo‘shib olish niyatini bildirgan. Istanbul klubida vaziyatni diqqat bilan kuzatib borishmoqda va agar yangi yil boshigacha futbolchining mavqei o‘zgarmasa, jiddiy harakatga o‘tishga tayyorlar.

Transfermarkt portali ekspertlari Viktor Dyokereshning transfer qiymatini 65 million yevroga baholamoqda.