Fransiya terma jamoasi himoyachisi Jyul Kunde Millatlar ligasi doirasida Turkiyaga qarshi kechgan o‘yinda Zinedin Zidanning ko‘rsatmasi haqida gapirib berdi.
«Uchranglilar» yangi murabbiy qo‘l ostidagi debyut bellashuvda safarda g‘alaba qozonishdi – 1:0. Yagona golni 54-daqiqada Kilian Mbappe kiritdi.
«Biz o‘z maqsadimizga erishdik, ammo oson bo‘lgani yo‘q. Tanaffusda murabbiy xotirjam edi va bizga to‘xtab qolmaslikni, o‘z futbolimizni o‘ynashda davom etishni aytdi. Biz to‘pni nazorat qilishda davom etsak, raqiblarni charchatishimizni va ochiq hududlarni topa olishimizni bilardik, shuningdek, pressing ham ajoyib ishladi. Vaqt o‘tishi bilan bizning uslubimiz yanada yorqinroq namoyon bo‘ladi», – dedi Kunde matbuot anjumanida.
Zinedin Zidan iyul oyi oxirida Didye Deshamning o‘rnini egallab, Fransiya milliy terma jamoasini boshqara boshladi.
