Belgiya terma jamoasi bosh murabbiyi Mark van Bommel Millatlar ligasi doirasida Italiyaga qarshi kechgan o‘yindagi g‘alabaga (2:0) izoh berdi.

«O‘yinimizga qarab, bor-yo‘g‘i bir necha kundan beri birga ishlayotganimizga ishonishim qiyin bo‘ldi. Birinchi bo‘limda biz juda yaxshi futbol ko‘rsatdik. Bundan ham ko‘proq gol urishimiz mumkin edi, ammo yaratilgan vaziyatlar sonidan juda mamnunman. Tanafsusdan so‘ng bizga qiyinroq bo‘ldi, shuning uchun bir nechta almashtirishlarni amalga oshirishga qaror qildim. Xayriyatki, bu o‘z samarasini berdi», – dedi van Bommel UEFA rasmiy saytiga.

Millatlar ligasining 2-turida Italiya Turkiya bilan o‘ynaydi, Belgiya esa Fransiya bilan kuch sinashadi. Har ikkala o‘yin 28 sentyabr kuni bo‘lib o‘tadi.