"Liverpul" safida to‘p tepayotgan germaniyalik yulduz vinger Florian Virs Bundesligaga qaytishi mumkin. Bu haqda Bild xabar berdi.
Futbolchini Myunxenning "Bavariya" klubi o‘z safiga qo‘shib olishi mumkin. Bunga Maykl Olisening kelajagi bilan bog‘liq noaniqlik sabab bo‘lmoqda. Matbuotda fransuz futbolchisining Ispaniyaga yo‘l olishi mumkinligi haqida xabarlar tarqalgan, uning xizmatlariga Madridning "Real" klubi qiziqish bildirmoqda.
"Bavariya" avval ham Florian Virsni sotib olishga harakat qilgan, ammo futbolchi o‘sha paytda "Liverpul"ga o‘tishni ma’qul ko‘rgan edi.
Angliya klubida esa Virs hozircha "Bayer" safida namoyish etgan darajasida o‘ynay olmayapti.
Futbolchining transfer qiymati 100 million yevro atrofida baholanmoqda. Uning "Liverpul" bilan shartnomasi 2030 yil yoziga qadar amal qiladi.
