La Liga prezidenti Xavyer Tebas «Manchester Siti» ishi bo‘yicha chiqarilgan qarordan so‘ng o‘z fikrini bildirdi.

«2017 yilgi o‘sha chiqishimni va undan keyin sodir bo‘lgan voqealarning barini eslaganimda, buni «Men sizni ogohlantirgandim» deyish uchun qilmayman. Men buni ushbu tarix ko‘p yillardan beri olib borayotgan kurashimni yetarlicha yaxshi tushuntirib bergani uchun qilaman».

U, shuningdek, moliyaviy nazorat, shaffoflik va sifatli qoidalarning sifati hamda barcha klublar uchun yagona bo‘lishi muhimligini ta’kidladi.