«An-Nasr» hujumchisi Joau Felish yana Yevropa klubida o‘ynashni xohlashini tan oldi.
«Men «An-Nasr»da juda baxtliman, ammo Yevropaga qaytish haqida o‘ylayapman. Bu ushbu mavsum oxirida yoki keyingisida sodir bo‘ladimi, bilmayman, lekin yana Chempionlar ligasida o‘ynash uchun Yevropaga qaytmoqchiman», — deydi Felishning so‘zlarini Diario AS.
Felish «Chelsi»dan ko‘chib o‘tib, 2025 yildan beri «An-Nasr»da to‘p surmoqda. Bitim summasi 35 million yevroni tashkil etgan.
Ushbu mavsumda 26 yoshli hujumchi barcha turnirlarni hisobga olgan holda sakkizta uchrashuvda maydonga tushib, 4 marotaba raqiblar darvozasini ishg‘ol etdi va 3 ta golli uzatma muallifiga aylandi.
