Germaniyaning «Shtutgart» klubida to‘p surayotgan markaziy himoyachi Finn Yelch bir qator Yevropa grandlari e’tibori markazida bo‘lib turibdi. Bu haqda insayder Ekrem Konur ijtimoiy tarmoqlarda xabar bermoqda.

20 yoshli futbolchining o‘yinlarini «Manchester Yunayted», «Liverpul», «Arsenal», «Bavariya», «Yuventus» va Madridning «Real» klublari kuzatib borishmoqda. «Shtutgart» rahbariyati o‘z himoyachisi uchun 50 milliondan 60 million yevrogacha mablag‘ talab qilmoqda.

Germaniya chempionatining joriy mavsumida Yelch to‘rtta uchrashuvda maydonga tushib, bitta golli uzatmaga mualliflik qildi va bitta sariq kartochka oldi. Himoyachining «shvablar» bilan tuzgan amaldagi mehnat shartnomasi 2030 yilning iyun oyi oxirigacha mo‘ljallangan.