«Monako»ning hujumkor yarim himoyachisi Aleksandr Golovin faoliyatini davom ettirishi mumkin bo‘lgan klublar haqidagi ma’lumotlar bilan o‘rtoqlashdi.

«Borussiya» va «Tottenxem»dan takliflar bo‘lgan edi, bu uch-to‘rt yil oldin sodir bo‘lgan. «Monako»ni transfer summasi qoniqtirmagan. Yana adashmasam, «Nyukasl» ham bor edi», — dedi Golovin «RB Sport»ga bergan intervyusida.

Shu bilan birga, futbolchi «Monako»ni tark etishga kuchli xohishi bo‘lmaganini ta’kidladi. Uning fikricha, agar boshqa joyga o‘tadigan bo‘lsa, faqat top-klubga o‘tish kerak.

Golovin — SSKA tarbiyalanuvchisi. U 2018 yilda «Monako»ga ko‘chib o‘tgan. O‘shandan beri rossiyalik futbolchi hisobida 273 ta maydonga tushish, 40 ta urilgan gol va 48 ta golli uzatma bor.

30 yoshli rossiyalik futbolchining monegasklar bilan amaldagi shartnomasi 2029 yilgacha mo‘ljallangan.