"Yuventus" Italiya chempionatidagi navbatdagi uchrashuvga tayyorgarlik doirasida o‘z bazasida mashg‘ulot o‘tkazdi. Bu haqda Goal xabar bermoqda.
Klub uchun yaxshi xabar Andrea Kambyasoning safga qaytishi bo‘ldi. Himoyachi umumiy guruhda mashg‘ulot o‘tkazdi va, ko‘rinishidan, jarohatidan to‘liq tiklangan.
Futbolchi to‘pig‘idan olgan jarohati sabab taxminan bir oy maydonga tushmagan edi.
Mashg‘ulotda 17 yoshli Davide Markizio — "Yuventus"ning sobiq yarim himoyachisi Klaudio Markizioning o‘g‘li ham ishtirok etdi. Yaqinda Davide Turin klubi bilan 2028 yilgacha amal qiladigan ilk professional shartnomasini imzolagan.
Juma kuni "Yuventus" "Kremoneze"ga qarshi o‘rtoqlik uchrashuvi o‘tkazadi. 11 oktyabr kuni esa turinliklar A Seriya doirasida "Kalyari" bilan bahs olib boradi.
