Fransiya terma jamoasi bosh murabbiyi Zinedin Zidan Millatlar ligasi doirasida Belgiyaga qarshi o‘tgan uchrashuvda Usmon Dembelening o‘yiniga baho berdi.
«PSJ» hujumchisi asosiy tarkibda maydonga tushdi va 60-daqiqagacha harakat qildi. Shundan so‘ng uni Maykl Olise almashtirdi. Olise ikki gol va bitta golli uzatma qayd etib, Fransiyaning 4:1 hisobidagi irodali g‘alabasida asosiy qahramonlardan biri bo‘ldi.
«Menimcha, Dembele juda yaxshi o‘ynadi. Ayniqsa, uchrashuv boshida va ikkinchi bo‘limning dastlabki daqiqalarida u juda faol harakat qildi. Hech qanday muammo yo‘q», — dedi Zidan o‘yindan keyin jurnalistlar bilan suhbatda.
Usmon Dembele klub va terma jamoa safidagi so‘nggi oltita uchrashuvda gol ura olmayapti.
