Krishtianu Ronaldu Portugaliya terma jamoasidan ketishi bilan bog‘liq vaziyatga izoh berib, katta bayonot bilan chiqdi. 41 yoshli futbolchi milliy jamoa lagerini o‘zboshimchalik bilan tark etgani uchun ehtimoliy jazoni qabul qilishga tayyor ekanini bildirdi.

Hozircha unga qanday jazo berilishi yoki umuman jazo qo‘llanishi-qo‘llanmasligi noma’lum.

Portugaliyadagi manbalar ma’lumotiga ko‘ra, Ronaldu bir oydan olti oygacha terma jamoadan chetlatilishi mumkin. Shuningdek, hujumchiga jarima ham solinishi ehtimoldan xoli emas.

Avvalroq Krishtianu Ronaldu Jorje Jezushning matbuot anjumani uchun sakkizta tezisni ma’qullaganini, ammo Portugaliya terma jamoasi bosh murabbiyi boshqacha fikr bildirishni afzal ko‘rganini aytgan edi.