Тажриба омили
| Баҳо: |
+1; -0
|
Таркибингизда тажрибали футболчиларга эга бўлишнинг нақадар муҳим эканлигига ва уларнинг қадри ҳақида гап кетса ҳамда сизда мисол зарурияти пайдо бўлса, “Стемфорд Бриж”да чоршанба куни бўлиб ўтган воқеаларни ёдга олиб ўтишингиз мумкин.
“Челси” эски гвариадан вос кечиши, қариялар хизматини бутунлай инкор қилиши лозимлиги ҳақида сўнги вақтларда жуда кўп гапириладиган бўлиб қолганди. Британ колумнистларининг аксарияти бу мавзуга кўплаб саҳифаларни атаб юборишди. Бироқ, “Наполи”га қарши ўйин шуни яна бир бора исботлаб бердики, маълум бир ёшга етиб қолган футболчилардан фақатгина ўша ёшлари учун бутунлай кечиб юбориш мумкин эмас.
Албатта, Лэмпард, Дрогба каби футболчилар айни вақтда ҳар бир ўйинда майдонга туша олишмайди. Бу тушунарли ҳолат. Бироқ уларнинг хизматларини қачон ва қандай ишлатишга яхшироқ эътибор берилса, максимал фойда чиқариш мумкин бўлади. Андре Виллаш-Боаш “Челси”ни тарк этгач, унинг ўрнига бош мураббий вазифасини бажараётган Роберто ди Маттео айнан мана шу жиҳатга этибор қаратди. У ўзи мураббийлигидаги илк учрашув ҳисобланган Англия Кубоги доирасидаги “Бирменҳэм”га қарши ўйинда айрим тажрибали футболчилар майдонга тушмасликларини айтиб, буни “Наполи”га қарши ўйинда уларни кучга тўла ҳолатда кўриш ниятида эканлиги билан тушунтирди. Футболчилар томонидан ҳам бу ҳолат тўғри қабул қилинди. Улар нима учун таркибга кирмай қолганликларини билиб олдилар.
Ундан фарқли равишда Виллаш-Боаш футболчиларга ҳеч нарсани тушунтириб ўтирмасди. Футболчилар у қабул қилаётган қарорларнинг сабабини билмасдилар. Футболчиларни зулмат ичида сақларди.
Инглиз футболида жамоадаги айрим футболчилар бемалол мураббийнинг алмаштирилишига сабабчи бўла олишлари янгилик эмас, аслида. Ўз вақтида “Ливерпул”, “Тоттенҳэм” каби клубларда тўп сурган ва ҳозирги вақтда Sky Sportsда колумнист-журналист сифатида ўз фаолиятини олиб бораётган Жеми Реднап бу ҳақида шундай ёзади: “Футболчилик фаолиятим давомида клуб ҳўжайини бир неча бора олдимга келиб мураббий ҳақидаги фикримни, у ҳаммасини тўғри қилаётган ёки йўқ экани, футболчилар ҳали ҳам уни қўллаб-қувватлаётганини сўраган вазиятлар бўлган. Мен бундай ҳолларда ўзимни жуда ноқулай ҳис қилардим”.
Мана шуни билган ҳолда Виллаш-Боаш футболчиларга қарши кетиши эмас, икки томон қарашлари кесишадиган нуқтани ахтариши мақсадга мувофиқ бўлган бўларди.
Ҳозирги “Челси” тўрт беш йил олдинги “Челси” эмас. У вақтда клуб Премьер-лига ва Чемпионлар Лигасини ютиш учун ўзи истаган юлдуз футболчини сотиб оларди ва футболчилар мана шу мақсадларнинг бир қисми саналарди.
Ҳозирги “Челси” эса эришилган мавқени сақлаб қолишга интилаётган жамоадек тасаввур уйғотяпти. Айни вақтда жамоада исталган вақтда мураббийни алмаштира оладиган ва мураббийларга ўз мақсадларини амалга оширишда кўмаклашадиган бир восита сифатида қарайдиган футболчилар мавжуд. Агар португалиялик мутаҳассис мана шу ўзига ҳос жиҳатларни ҳисобга олиб, фаолиятини юритганида у ҳал ҳам клубда ишлаётган бўлар эди. У эса бунинг ўрнига футболчилар билан курашишга тушиб кетди.
Унинг қария футболчилардан бутунлай вос кечиш реъжаси иш бермади. Буни ўша “Наполи”га қарши биринчи учрашувда ҳам кўришга имкон бўлди. Асосий таркибдан жой топилмаган Ашли Коул, Эссиен ва Лэмпардлар майдонга тушганидан сўнг “Челси”нинг ўйини ўзгарган эди. Ижобий томонга.
Ҳа, уларнинг ёши ўтиб боряпти. Буни инкор қилиб бўлмайди. Бироқ улар ҳали ҳам клубга, жамоага ёрдами тегадиган даражадаги яхши футболчилар. Шундай экан, вазиятга бундай баҳо бериш ва бу каби қарорлар чиқариш ўзини оқламасди. Айниқса бу футболчидарнинг жамоадаги мавқеи мураббийникидан учтунроқ эканлигини билган ҳолда...
Мураббийнинг бўшатиб юборилиши муаммога ечим бўла олмайди. Жамоа ҳам аллақачон бошқаттан қурилишга мухтож бўлиб қолган. Моуриньо давридан сўнг кетма-кет мураббийлар алмашинуви натижасида жамоага янги қон қуйилмаган. Виллаш-Боаш айнан мана шулар ҳақида бош қотираётганди. Келажак ҳақида ўйлаётганди. Келажак ҳақидаги ҳаёллари эса бугунни унутиб қўйишига, бугунги вазиятга тўғри баҳо бера олмай қолишига сабаб бўлди. Бугун ҳақида ўйламаганларни эса келажак кутиб тура олмади. Бугун эса сиғдирмади.
“Челси”да кейинги мураббий ким бўлишидан қатъий назар, Терри, Лэмпард, Коул каби футболчилар жамоада муҳим рол ўйнашини, тажрибали футболчилардан бирданига вос кечиш керак эмаслигини ва жамоага янги қон қуйиш, авлодлар алмашинувини оғриқларсиз амалга ошириш талаб этилади. Осон вазифа эмас. Тўғри. Ким айтди сизга ҳаммаси осон бўлиши керак деб?
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 SHAHRIXON |
Сана: 27.03.2012 14:38. SHAHRIXONга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- "Челси" - "маладес" 2!
- Интиҳонинг ибтидоси
- “Имконсизлик”дан изланган имкон
- Тажриба омили
- Челси ва хитой тили (архивдан)
- Эрта келган баҳор
- Ciao, Don Fabio!
- Тевезга ачинманг!
- Оғир сукунат
- Фактор “С”
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
