Интиҳонинг ибтидоси
| Баҳо: |
+2; -0
|
“Манчестер Сити” АПЛда қандай натижа қайд этишидан қатъий назар, ушбу мавсум ниҳоясига етгач, Роберто Манчини билан ҳайрлашса керак. Ҳайрлашиши ҳам керак, менимча. “Шаҳарликлар” сўнги 20-25 йилдаги энг яхши мавсумларидан бирни ўтказаётган вақтда мураббий ишини танқид қилиш мумкинми?! Бўлмасамчи. Албатта мумкин. Бунга етарлича асослар бор.
Бир неча ҳафта илгари “Бавария” меҳмонда “Герта”ни 0:6 ҳисобида мағлуб этган ўйинида, бир вазият эътиборимни тортган эди. Ўшанда, иккинчи бўлимда “Герта” дарвозаси томон жарима тўпи белгилан, тўп олдига Рибери ҳамда Кросс яқинлашиб келишганди. Улар қай бирлари ушбу жаримани амалга оширишларини машхур “камень-ножницы-бумага” ёки “дон-дон-зикки” деб аталадиган ўйин орқали ҳал қилишганди. Ҳазил устида. Кулгу билан.
“Ман. Сити”нинг шанба куни бўлиб ўтган “Сандерленд”га қарши ўйинида ҳам шунақа вазият юзага келди. Бироқ Балотелли ҳамда Коларов ҳеч қандай ўйин ўйнашмади. Улар ҳатто шунчаки бир оғиз сўз билан ҳам келиша олишгани йўқ. Сал қолса бир-бирини уриб юбориш даражасига боришди. Оддийгина вазиятда бир-бирлари билан жанжаллашиб кетишди. Биргина шу вазият жамоада ҳаммаси “Окей” эмаслигини, ички муҳит расво даражада эканини кўрсатиб турибди. Жамоадаги муҳит билан боғлиқ барча савол ва эътирозлар, табиийки, бош мураббий “адрес”ига бўлади. Роберто ҳозир жамоада биринчи рақамли персона эмас. Таъбир жоиз бўлса, у “класс пахани” бўлиш вазифасини уддалай олмаяпти. Акс ҳолда юқорида тилга олингани каби вазиятлар юзага келмаган бўларди. Бу биринчидан.
Иккинчидан, “МС” ўйинларида натижа жамоавий ўйиндан кўра алоҳида ижрочиларга кўпроқ боғлиқ. Чемпионат аввалидаги ўша қайд этилган рекордлар, йирик ҳисоблар, кишига завқ берувчи ўйинларда ҳам мураббийнинг ҳиссаси ҳаминқадар. Силва, Агуэро, Жеко, Насри, Балотелли каби футболчилар вазиятларни индивидуал маҳорат эвазига ҳал қилиб, “Сити”га жуда кўп очколар олиб беришди. Узоқ муддат давомида турнир жадалини бошқариб келди. Лекин барчасини фақат мана шу “козер” билан ҳал қилиб бўлмайди.
Аввалги мавсумда Тевезнинг жуда муҳим голлари эвазига “Сити” кучли тўртликдан ўрин эгаллаган эди. Бу гал бундай ижрочилар кўпроқ. Шунинг учун анча муддат пешқадам бўлиб юрди жамоа. Бироқ, ўйин картинасида Манчиннинг имзоси сезилмайди. У — йўқ. Шунинг учун “Сток” билан меҳмонда, “Сандерленд” билан ўз уйида дуранглар қайд этяпти... Чемпионлик тақдири ҳал бўладиган паллада жамоавий ўйиннинг йўқ эканлиги, ҳар ким уни ўзи истаган йўналиши томон тортаётгани мавсумни совринсиз якунлашига олиб келиши жуда ҳам мумкин.
“Қора мушуклар”га қарши ўйинни шарҳлаган борган “Спорт 1” канали шарҳловчиси: “Бугунги “Сити” жамоага эмас, юлдузлар тўпамига кўпроқ ўхшайди”, деганинада, менимча, муболаға қилмади.
Ҳозир жамоада юз бераётган ушбу жараёнлар Манчини учун интиҳонинг ибтидоси бўлса не ажаб...
P.S. Ушбу матн "Стадион" газетасининг 14-сонида, 14-саҳифадаги доимий колонкада чоп этилган.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 ABROR |
Сана: 05.04.2012 16:12. ABRORга ёзиш |
+0; -0
|
|
0
|
|
ABROR |
Сана: 05.04.2012 16:11. ABRORга ёзиш |
+0; -0
|
|
0
|
 HEROLION |
Сана: 04.04.2012 14:15. HEROLIONга ёзиш |
+0; -0
|
|
0
|
|
FANATUZ |
Сана: 04.04.2012 12:30. FANATUZга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- "Челси" - "маладес" 2!
- Интиҳонинг ибтидоси
- “Имконсизлик”дан изланган имкон
- Тажриба омили
- Челси ва хитой тили (архивдан)
- Эрта келган баҳор
- Ciao, Don Fabio!
- Тевезга ачинманг!
- Оғир сукунат
- Фактор “С”
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
