Олимпия ўйинлари ва жаҳон чемпионати совриндори Муроджон Аҳмадалиев профессионал боксдаги бешинчи жангини бугун эрталаб АҚШда ўтказади.
Атлантик Ситидаги «Hard Rock Hotel & Casino» аренасида ўтказиладиган жангда Муроджонга америкалик чарм қўлқоп устаси Исак Зарате рақиблик қилади. Ушбу жангда боксчимиз ўзининг WBAInter-Continental камарини ҳимоя қилади.
Аҳмадалиев бугун муҳим жанг олдидан вазн ўлчаш маросимида тарозига чиқди.
Маълумот учун, Муроджон Аҳмадалиев профессионал рингдаги фаолияти давомида 4 маротаба рингга чиқиб, уларнинг барчасида ғалаба қозонган. Ғалабаларнинг 3 тасини нокаут эвазига қўлга киритган.Зарате эса 22 та жанг ўтказиб, 16 та ғалабага эришган. 3 та жангда мағлуб бўлган. Яна 3 та жангда эса дуранг қайд этган.
