Бугун Жанубий Корея терма жамоаси бош мураббийи Ули Штилике 27 март куни Ўзбекистон ва 31 март куни Янги Зеландияга қарши ўртоқлик ўйинлари учун таркибни эълон қилди.

Ушбу таркибда Осиё Кубогига бормаган бир қатор янги номларни учратиш мумкин. Жумладан, Кей-лигада юқори савияда тўп сураётган ярим ҳимоячилар Ли Же Сонг ва Хан Кё Вон ("Чонбук") ҳамда Ким Ун Сон ("Сувон")дан ташқари Осиё Кубогига бора олмаган Жи Донг Вон ("Аугсбург",Германия) ва Англиянинг КПР клуби сафида мунтазам майдонга тушиб келаётган Юн Сок Ёнглар ҳам таркибга жалб этилди. Шунингдек, Англия чемпионшипида "Уиган" сафида яхши ўйин кўрсатаётган Ким Бо Кёнг ҳам ушбу ўртоқлик ўйинларига таклиф қилинди.

Жанубий Корея терма жамоаси таркиби:
Дарвозабонлар: Ким Жин Хён ("Серезо Осака",Япония), Ким Сеунг Гю ("Улсан Жёнде").
Ҳимоячилар: Жанг Хён Су ("Гвангжоу Бури", Хитой), Ким Чанг Су ("Кашива Рейсол", Япония), Ким Ёнг Гвон ("Гвангжоу Хонгда", Хитой), Квак Те Хви ("Ал-Ҳилол", Саудия Арабистони), Ким Жин Су ("Ҳоффенҳайм", Германия), Юн Сок Ёнг ("КПР",Англия), Ким Жу Ёнг ("Шанҳай", Хитой), Ким Ки Хи ("Чонбук"), Ча Ду Ри ("ФC Сеул").
Ярим ҳимоячилар: Ки Сонг Ёнг ("Суонси", Англия), Ку Жа Чол, Парк Жу Хо (иккаласи "Майнз", Германия), Сон Хеунг Мин ("Баер",Германия), Ким Бо Кёнг ("Уиган Атлетик", Англия), Хан Кук Ёнг ("Қатар СК", Қатар), Нам Те Хи ("Лахвия", Қатар), Хан Кё Вон, Ли Же Сонг (иккаласи "Чонбук"), Ким Ун Сон ("Сувон").
Хужумчилар: Жи Донг Вон ("Аугсбург", Германия), Ли Жонг Хёб ("Сангжу Сангму").

Отабек Йўлдошев
Жанубий Корея, Сеул