“Бавария” клуби ва Голландия терма жамоаси ярим ҳимоячиси Арьен Роббен қорин мускулларидаги узилиш сабаб камида 6 ҳафта ўйнай олмайди, деб хабар қилади sports.ru.
Ўйинчи узоғи икки ой тўп сурмайди. Эслатиб ўтамиз, голланд футболчиси Менхенгладбахнинг “Боруссия” (0:2) клубига қарши ўйинда Тони Янчке билан тўқнашувдан сўнг жароҳат олганди.
Шундай қилиб, Роббен миллий терма жамоанинг Туркия ва Испания қарши ўйинларини, Чемпионлар Лигасининг “Порту”га қарши иккала учрашувини, Германия Кубоги чорак финалидаги “Байер” билан баҳсни ва Бундеслиганинг беш учрашувини ўтказиб юборади. Агар мюнхенликлар Чемпионлар Лигасининг ярим финалига чиқишса ҳам, голланднинг у ўйинларда иштироки сўроқ остида турибди.
