Дунёнинг энг маҳоратли ҳужумчиларидан бири Радамель Фалькао жароҳатга йўлиқди-ю ишлари ортга кетди. Дастлаб у айнан жароҳат туфайли Бразилиядаги мундиални ўтказиб юборди. Кейин эса ижара асосида "Манчестер Юнайтед"га йўл олгач яна кўплаб муаммоларга дуч келдики, бу ҳолат унинг ўз формасини тиклашигига ҳамон халал беряпти.

Аргентиналик футбол афсонаси Диего Марадона эса Фалькаонинг ушбу муаммоаларида "қизил иблислар" устози Луи ван Гални айблаб чиқди."Ван Гални умуман яхши йигит деб атамаслик керак. У бошқалардан кўра иблисга яқин инсон. Фалькао жароҳат туфайли ўз ўйинини йўқотиб қўйди ва унга ҳамон АПЛ муҳитига мослашиши учун вақт керак", - дейди Марадона