Мадриднинг «Реал» клуби 2014 йилда «Бенфика»дан «Зенит»га трансфер қилинган Эсекиэл Гарай трансфер нархи бўйича судга мурожаат қилиш имкониятларини кўриб чиқмоқда. Бу ҳақда « El Confidencial» нашри хабар тарқатди.
Манбанинг маълум қилишича, мадридликлар дастлаб олган маълумотига кўра, Гарай 15 миллион еврога сотилган. Иккала клуб ўртасидаги шартномага мувофиқ пулнинг ярми «Реал» ҳисобига ўтказиб берилиши лозим.
Кўп ўтмай «Бенфика» Гарайнинг трансфери расман 6 миллионга сотилгани ва унинг ярим пули «Реал» ҳисобига ўтказилгани борасида хабар тарқатганди. Клуб берган маълумотда «Бенфика»нинг футболчини сотишдан кўрган даромади 2,4 миллион евро сифатида кўрсатиб ўтилган.
