Нидерландия қироллик футбол иттифоқи ДЕТО ҳаваскорлар клуби ўйинчиси Жерри ван Стани рақибини тишлаб олгани учун ўнта матчга дисквалификация қилди, дея хабар бермоқда Daily Express га асосланиб daryo.uz.
Жерри ван Станинг тиш излари. Фото: express.co.uk
Жабрланувчи Томас Смедема ўзининг Facebook’даги саҳифасига тиш излари акс этган суратни жойлади.
«ДЕТО билан дерби вақтида футболчи орқамдан тишлаб олди. Пасткаш ва қўрқоқларга хос хатти-ҳаракат», — дея изоҳ ёзди у.
Ван Ста эса ҳодиса тасодиф эканлигини таъкидламоқда. Унинг айтишича, у мувозанатни йўқотган ва йиқилиш чоғида рақибига қаттиқ тегиб кетган. Футболчи, шунингдек, ушбу ҳолатдан кейин Смедема уни урганлигини айтди.
