Англия футбол Ассоциацияси мамлакат кубогининг номи ўзгариши ҳақидаги хабарларни инкор қилди, дея хабар беради Sky Sport.
Эслатиб ўтамиз, бугун жаҳоннинг энг қўҳна мусобақаларидан бирининг номи янги ҳомийнинг шарафига Emirates FA Cup деб ўзгартирилиши ҳақида хабарлар тарқалган эди. Хабарга кўра, Emirates билан уч йиллик шартнома имзоланган бўлиб, бу йиллар давомида мусобақа ташкилий қўмитаси ҳомийдан 30 миллион фунт олади. Шартнома бандларининг бирида мусобақа номининг Emirates FA Cup деб аталиши кўзда тутилгани ҳақида айтилган.
Аммо ассоциациянинг маълум қилишича, Emirates билан ҳеч қандай келишув амалга ошмаган, унинг номи ўзгартирилиши ҳақида гап-сўз бўлиши мумкин эмас. Англия кубоги 1871 йилан буён ўтказиб келинмоқда, унинг амалдаги соҳиби "Арсенал" бўлиб турибди.
