“Монако” ёзда колумбиялик форвард Радамель Фалькаони пуллаш учун унинг трансфер қийматини туширишга тайёр. Эслатиб ўтамиз, ҳужумчи бу йилги мавсумни ижара шартномаси асосида “Манчестер Юнайтед”да ўтказмоқда, аммо Манчестер шаҳри клуби Фалькаони сотиб олмоқчи эмас.
“Монако” эса ўз навбатида молиявий fair-play қоидаси сабаб футболчини сотишга мажбур, деб хабар бермоқда The Telegraph га таяниб “СЭ” нашри. Жазодан қутулиш учун монегасклар Фалькаони трансферга қўйишлари ва клубдаги маошлар жадвалидаги рақамларни қисқартиришлари лозим.
Айни вақт Фалькаога Италия ва Испания чемпионатининг етакчи жамоалар қизиқиш билдиришганди, бироқ футболчининг бу йилги мавсум “МЮ”даги ишончсиз ўйини “Монако”га унинг трансферидан аввал мўлжаллаганидек 50 миллион еврога сотишга ҳалақит қилиши мумкин.
