«Манчестер Сити» ҳамон «Ювентус» ярим ҳимоячиси Поль Погбани сотиб олиш бўйича «ПСЖ», «Барселона» ва «Реал» билан бирга кураш олиб бормоқда.
Англияликлар 22 ёшли франциялик футболчи учун 70 миллион фунт (95 миллион евро) тўлашга ва уни клубнинг энг катта маош оладиган футболчисига айлантиришга тайёрлар.
Эслатиб ўтамиз, ҳозирда "Сити" таркибида энг катта маошни Яҳё Туре олмоқда — ҳафтасига 220 минг фунт стерлинг.
"Шаҳарликлар" молиявий фейр-плей қоидасини бузмаслик учун катта маош оладиган айрим футболчиларни сотишни режалаштиришмоқда. Жумладан, Турени «Интер»га сотишлари мумкин.
Аввалроқ «Ювентус» Погбани «Барселона»га 80 миллион еврога сотишдан бош тортишгани ҳақида хабар тарқатилганди.