"Пахтакор" - "Нефтчи" учрашувидан кейинги матбуот анжуманида Самвел Бабаян жамоа ўйинидан тўлиқ қониққанини таъкидлаб ўтди.
Самвел БАБАЯН (“Пахтакор” бош мураббийи): - “Нефтчи” учрашувга пешқадам сифатида келганди. Ўйин барча учун қизиқарли кечди деб ўйлайман. Ўйлашимча, ҳисоб баҳсга яраша бўлди. Биз устунлигимизни кўрсатдик. Фарғоналиклар ҳар доимгидек фаол курашга интилишди. Лекин бу бизни енгиш учун етарли бўлмади.
Жамоа ўйинга тайёрланган режаларни тўлиқ амалга оширди. Бизга ғалаба зарур ва ҳужумкор футбол кўрсатишимиз керак. Аввалги беллашувда ҳам олдинда баъзи ўзгаришлар қилгандик. Бугун уни давом эттирдик. Бизга бу фойда келтирди.
“Нефтчи”ни бўш ўйнади деб айтмаган бўлардим. Бугун “Пахтакор” кучлироқ футбол намойиш қилди.