"Реал" яримҳимоячиси Гарет Бэйл клуб раҳбарияти янги мавсумда унинг хизматларидан фойдаланишига ишонмаяпти, дея хабар беради AS.
Бу ҳақда уэльслик футболчининг агенти Жонатан Барнетт маълум қилган. Барнетт клуб президенти Флорентино Перес билан учрашиб, мижозининг келажак фаолияти борасида суҳбатлашган.Барнетт Пересдан тезроқ аниқ жавоб беришини сўраган. Агар Бэйл трансферга қўйилса, у бу йўналишда ишларни бошлаб юбормоқчи.
Аввалроқ, Бэйлга "Манчестер Юнайтед" қизиқаётгани хабар қилинган эди. Манчестерликлар унинг учун 120 миллион евро тўлашга тайёрлар.