"Ювентус" дарвозабон Жанлуижи Буффон "Барселона"га қарши Чемпионлар Лигаси финали арафасида жамоанинг собиқ устози Антонио Контени ёдга олди.
"Конте албатта ушбу ўйинни томоша қилади. У бизга хабар юборди ва бу жуда ёқимли ҳолат.
Ҳозирги "Ювентус" ўйинида барибир Контенинг дастхати бор. У бизга дадилликни, тактик бехато ва яхши тўп суришни ўргатди. Умид қиламанки, биз жаноб Конте даврида ўзлаштирган ушбу фазилатларни ҳали бери қўлдан чиқармаймиз", - euro-football.ru УЕФА матбуот хизматига таяниб Буффоннинг фикрларини келтиради.
