"Манчестер Юнайтед" клби ҳамон "Реал" ҳимоячиси Серхио Рамосни сотиб олиш ҳаракатида.
Англия клуби 29 ёшли футболчи учун 5 йилга мўлжалланган ва солиқлардан ташқари 55 миллион евролик шартнома таклиф қилди, дея хабар беради As.
Келишувга кўра, Рамос "МЮ"даги 1 мавсумда 12 миллион евро олади, ҳар йили унинг маоши ярим миллион еврога камайиб боради. Охирги йили Рамос 10 миллион евро олади.
Аввалроқ, "Реал" Рамосга йилига 7,5 миллион евро маош билан янги шартнома таклиф қилган эди, аммо футболчи йилига 10 миллион евро олмоқчи.