Италия терма жамоасининг собиқ бош мураббийи Чезаре Пранделли ўз вазифасидан кетганидан буён "скаудра адзурра"нинг биронта ўйинини томоша қилмаганини маълум қилди.
Пранделли ЖЧ-2014да Уругвайга қарши учрашувдаги мағлубиятдан сўнг (0:1) мусобақа плей-оффига чиқа олмаган ва истеъфога чиқарилган эди.
"Жамоадан кетганимдан буён Италиянинг биронта ўйинини кўрганим йўқ. Жамоада ўтказган 4 йилим ажойиб бўлган эди, биргина ўйин - Уругвайга қарши учрашув ҳаммасини ўчириб юборди. Мен мураббийлик фаолиятимни 1990 йилда бошлаган бўлсам, 25 йил танаффусссиз ишладим, ҳозир пауза қиляпман. Ғалати ҳиссиёт", - дейди Пранделли.
ЖЧ-2014дан сўнг мутахасси "Галатасарой"ни бошқарди ва уни 2014 йилнинг ноябрида тарк этиб, ишсиз ўтирибди.
