Ўзбекистон терма жамоасининг янги устози Самвел Бабаян яқин вақт ичида Олий Лига клублари бош мураббийлари билан учрашади.

Кеча ОАВ ходимлари билан суҳбат уюштирган бош мураббий бугун терма жамоа мухлислар клуби аъзолари билан учрашди. Бабаян уларни қизиқтираётган саволларга жавоб қайтарди.

Олий Лига мураббийлари билан учрашишдан кўзланган асосий мақсад футболчиларнинг бугунги салоҳиятини баҳолаш, кимнинг қандай имкониятга эга эканини аниқлаш ва терма жамоанинг ўйин услуби ҳақида ўзаро фикр алмашишдир.

Мазкур учрашув Ўзбекистон чемпионатида биринчи давра ўйинлари якунига етгач ўтказилиши кўзда тутилган.