“Милан” ва Италия терма жамоаси собиқ устози Арриго Сакки “Ювентус” ярим ҳимоячиси Поль Погбанинг “Барселона”га ўтиши мумкинлигига муносабат билдирди.

“Барселона” ҳозир ўзи шундоқ ҳам жуда кучли, агар Погба келса у янада кучаяди. Шубҳа йўқки, бу клуб ўзининг уч ҳужумчиси ва Погба билан деярли енгилмас жамоага айланган бўларди”, - дея championat.com El Mundo Deportivo нашрига таяниб Саккининг фикрларини келтиради.

Аввалроқ каталонияликларнинг Погба учун 80 миллион евро таклиф қилгани, аммо “Юве” ушбу ёзда ўз футболчиси билан хайрлашиш нияти йўқлиги хабар қилинганди.