"Арсенал"нинг германиялик ҳужумчиси Лукаш Подольскининг агенти ўз мижозининг Лондонни тарк этиш истаги ҳақида маълум қилди.
Агентнинг сўзларига қараганда, Подольски жамоа бош мурабббийи Арсен Венгер билан учрашган, учрашувдан сўнг ўзаро тўхтамга келишган.
"Биз Арсен Венгер билан яхши гаплашдик. У Лукашнинг жамоада қолишини истайди, аммо асосий таркибдан доимий жой кафолатлай олмаслигини айтди. Шундан сўнг ўзгартиришлар қилишга қарор қилдик", - дейди агент.
Подольскининг "Галатасарой"га ўтиши тахмин қилинмоқда. 30 ёшли футболчи ҳозир Антальяда ҳордиқ чиқармоқда, мавсум олдидан турк клубига қўшилиши мумкин.
